(ರಾಗ – ಪಹಡಿ)
ರಚನೆ :-ಪರಮ ಪೂಜ್ಯ ಲಿಂ.ಹಾನಗಲ್ಲ ಕುಮಾರ ಮಹಾಸ್ವಾಮಿಗಳವರು
ಪಾಹಿ ಶಿವ | ನೀ ಪಾಹಿ ಶಿವ
ನಾ ಮೊರೆಹೊಕ್ಕೆ ದೇವ || ಪ ||
ಪುರಹರ ನಿನ್ನಯ ಕರುಣವಿಲ್ಲದೆ |
ಮರಳಿ ಮರಳಿ ಭವದೊಳು ತಿರುಗಿ ||
ಘೋರ ಕಷ್ಟದೊಳು ಪಾರುಗಾಣೆ ನಾ |
ಪರಮೇಶ | ಪರಿತೋಷ || ವರಕೋಶ | || 1 ||
ಮಲ ಮಾಯಾದಿ ಬಲು ಕಳವಳಗೊಳ್ಳುವೆ |
ಬಲವಂತನೆ ಸಲಹುವದೆನ್ನಂ ||
ಬಲುಮೆಯುಳ್ಳ ಬಹು ಕಲುಷದ ಕಾಟವು |
ಬಲುಶಾಂತ | ಕಲೆಯಾಂತ || ಛಲವಂತ | || 2 ||
ಶಿವನರ್ಚನೆಯೊಳು ತನು, ಮನ, ಧನವನು |
ಸವೆಸುವ ತವೆ ಸಾಧನವಿರಿಸಿ ||
ಜೀವಭಾವವನು ಕಳೆಯುತ ಕೃಪೆಯಿಂ
ಶಿವಯೋಗಿ | ಸುವಿರಾಗಿ || ಭವತ್ಯಾಗಿ | || 3 ||
Total views : 20635