ಮತ್ತೆ ಬರುವನೆಂದು ಹೇಳಿ ಪೋದೆಯ್ಯ ಮತ್ತೇಕೆ ಬರಲಿಲ್ಲಿ ಪೇಳೋ ಹಾಲಯ್ಯ

ಶ್ರೀ ಚನ್ನವೀರದೇವರು ಕಲ್ಯಾಣಮಠ , ಹುಬ್ಬಳ್ಳಿ

ಹಾಲಯ್ಯ ನಾಮದಿಂ ಜಗಕೆಲ್ಲ ಹಾಲ್ಗುಡಿಸಿ

ಹಾಲಿನಂತಿರುವ ಹೇ ಹಾಲಯ್ಯನೇ || ಪ ||

 ಜನಿಸಿದನು ಹಾಲಯ್ಯ ಜೋಯಿಸರ ಹಳ್ಳಿಯೊಳ್

ಪರಮ ಪಾವನ ರೂಪ ಹಿರಿಯ ಮಠದೊಳ್

ನೀಲಮ್ಮ ಬಸವಯ್ಯ ದಂಪತಿಯ ಗರ್ಭದೊಳ್

ಕಳೆದನೋ ತನ್ನ ಜೀವನವ ಕಿರಿ ಪಳ್ಳಿಯೋಳ್ || ೧ ||

ಚಿಕ್ಕ ತನದಲಿ ತಾನು ಚೊಕ್ಕ ಮನದಿಂದೋದಿ

ಧರ್ಮ ದಿಂದಲೇ ಜಯ ಬಂದ್ಹೇಳಿದೆ

 ಶಿವೇನ ಸಹಯೋಗದ ಅನುಭವಂ ಮಾಡಿಸಿದೆ

 ಅತಿ ವೀರತನದಿಂದ ಯೋಗ ಸಾಧಿಸಿದೆ || ೨ ||

 ಎಷ್ಟು ಹೇಳಲಿ ನಿನ್ನ ದಿವ್ಯರೂಪದ ಮಹಿಮೆ

 ಹರಡಿಸಿದ ಸದಾಶಿವಯೋಗಿ ತನ್ನ ಯ ಜಾಗ್ಮೆ

 ಹರಡಿತ್ತು ಜಗಕೆಲ್ಲ ಮಂದಿರದ ಮಹಿಮೆ

ತೋರೊ ನಿನ್ನ ಯ ರೂಪ ಜಗಕೆ ಇನ್ನೊಮ್ಮೆ || ೩ ||

ಮತ್ತೆ ಬರುವನೆಂದು ಹೇಳಿ ಪೋದೆಯ್ಯ

ಮತ್ತೇಕೆ ಬರಲಿಲ್ಲಿ ಪೇಳೋ ಹಾಲಯ್ಯ

ನೀ ಬರದೆ ಈ ಜಗವು ಬೆಳಗುವುದು ಹೇಗೀಗ

 ನೀ ಬಂದು ಈ ಜಗಕೆ ತೋರೊ ಬೆಳಕೀಗ ||  ೪ ||

 ಕರೆವರು ಶಿವಯೋಗಿ ಪುಂಗವರು ಕೈ ಮಾಡಿ

 ಕಣ್ತೆರೆದು ಒಂದಿಷ್ಟು ನೋಡೋ ನಮ್ಮನ್ನು

 ಹೊಳೆ ಹಳ್ಳ ಕೂಡಿ ಹೋಗುತಿದೆ ಜಗವಿನ್ನು || ೫ ||

ನಿನ್ನಂಥ ಯೋಗಿಯ ಕಳಕೊಂಡ ಭೂತಾಯಿ

ಶಪಿಸಿಕೊಂಡಳು ತಾಯಿ ತನ್ನ ಇದಿಮಾಯಿ

ಭೂತಾಯಿ ತಬ್ಬಲಿ ಆಗಿಹಳೊ ಯೋಗಿ

ಹಾಲಿನೋಳ್  ಹಾಲಾಗಿ ಹೋದ ವೈರಾಗಿ || ೬ ||

ನಾ ಬಂದೆ ಮರ್ತ್ಯಕ್ಕೆ ನಿನ್ನ ಕೃಪೆಯಿಂದ

ನಿನ್ನ ಸೇವೆಯ ಗೈಯ್ವ ಮನದ ಆನಂದ

ಸಲಹಯ್ಯ ಸಲಹಯ್ಯ ಸಲಹಯ್ಯ ತಂದೆ

 ನಿನ್ನ ಸೇವೆಯ ಮಾಳ್ವ ‘ ಚೆನ್ನವೀರನಿಗೆ ‘