ರಚನೆ :-ಪರಮ ಪೂಜ್ಯ ಲಿಂ.ಹಾನಗಲ್ಲ ಕುಮಾರ ಮಹಾಸ್ವಾಮಿಗಳವರು
(ರಾಗ – ದರ್ಬಾರಿ ಕಾನಡಾ)
ಶ್ರೀ ಪರಾತ್ಪರ ಬಸವೇಶ್ವರನನು |
ಸಾರುತ -ಸೇರುತ ಭಜಿಸೋ ನೀ ಮಾನವ || ಪ ||
ಭಕ್ತಿಯ ಮಾರ್ಗದಿ ನಡೆಯುವ ಜನರಿಗೆ
ಶಕ್ತಿಯನರಿತು ಫಲಗಳ ಕೊಡುವ
ಮುಕ್ತಿಯ ಪಥವನ್ನೀಯುವ ಪರಮ || 1 ||
ವೀರಶೈವ ಮತ ಜೀರ್ಣೋದ್ಧಾರಕ
ಸಾರ ಸುಬೋಧಕ ಪರತರಶೋಧಕ
ಪೂರಿತ ಕರುಣದಿ ದೀನಸುರಕ್ಷಕ || 2 ||
ಶಿವಯೋಗದಲಿ ಸುವಿರಾಗದಲಿ
ಭವಿಗಳನೀಕ್ಷಿಸಿ ಭಕ್ತರ ಮಾಡಿದ
ಸುವಿವೇಕದ ಗುರುವಿಗೆ ಗುರುವೆನಿಸಿದ || 3 ||
Total views : 20693